Գիտություն. Նորարարություն. Ապագա.

Գիտական նորարարության և կրթության կենտրոնը (ԳՆԿԿ) հիմնադրվել է 2021 թվականին՝ Արցախյան երկրորդ պատերազմից հետո: Կենտրոնի գերնպատակն է դիրքավորել Հայաստանը ինքնավար համակարգերի հետազոտության համաշխարհային առաջատարների շարքում։

Կենտրոնի առաքելությունն է խթանել գիտական նորարարությունն ու կրթությունը և ստեղծել ինքնավար համակարգերի գերազանցության կենտրոն Հայաստանում։

ԳՆԿԿ-ում մենք միավորում ենք լավագույն համալսարանների տաղանդաշատ հայ շրջանավարտներին և տալիս մրցակցային միջավայրում նորարարական հետազոտություններ իրականացնելու հնարավորություն։ Մեր գիտահետազոտական գործունեությունը կենտրոնանում է ինքնավար մեքենաների համար նախատեսված առաջադեմ տեղորոշման և կառավարման համակարգերի, ռոբոտների խմբի համակարգման և փոխգործակցության, ինչպես նաև ինքնավար համակարգերի ադապտիվ, ուսուցման հիմքով կառավարման խնդիրների ուսումնասիրման վրա:

Ուրախ ենք համագործակցել Հայաստանի ազգային պոլիտեխնիկական համալսարանի (ՀԱՊՀ) հետ և իրականացնել գիտահետազոտական, կրթական գործունեություն «Օդային ռոբոտատեխնիկայի ուսումնահետազոտական կենտրոնում»։ Այն գերժամանակակից լաբորատորիա է, որն անվանակոչվել  է ի պատիվ ՀՀ ԳԱԱ նշանավոր գիտնական Արիկ Մելիքյանի: Համագործակցությունը հնարավորություն է ընձեռում իրականացնել առաջադեմ հետազոտություններ՝ նպաստելով գիտնականների և ինժեներների հաջորդ սերնդի ձևավորմանը:

Մեր 20-ից ավելի խոստումնալից ուսնակների և ուսանողների  համախմբող թիմը կենտրոնի նորարարական գործունեության առանցքային դերում է։ Մասնագիտական կատարելագործման, գիտական առաջընթացին նպաստելու նրանց ձգտումը կենտրոնի հաջողության հիմնական գրավականն է։