Երեկ, 2025թ. հունիսի 24-ին(ժամը 9:00-17:00), Հունաստանի Սալոնիկ քաղաքում կայացավ «Ինքնավար համակարգերի անվտանգ կառավարում և ուսուցում» թեմայով աշխատաժողովը, որն անցկացվում էր ECC'25 միջազգային հեղինակավոր կոնֆերանսի շրջանակներում:

Որպես այս բացառիկ իրադարձության համակազմակերպիչ՝ Գիտական նորարարության և կրթության կենտրոնը (ԳՆԿԿ) հպարտությամբ է հայտնում, որ աշխատաժողովը մեկ հարթակում համախմբել է մի շարք առաջատար գիտահետազոտողների և կառավարման ոլորտի մասնագետների, ովքեր կիսեցին իրենց փորձն ու նորարարական տեսլականը միջոցառման մասնակիցների հետ:

Աշխատաժողովի խոսնակների շարքում էին ԳՆԿԿ առաջատար գիտաշխատողներ Աստղիկ Հակոբյանը և Տիգրան Բաքարյանը․ Նրանք խոսեցին ինքնավար համակարգերի կառավարման ոլորտի նորարարությունների մասին, ներկայացրին իրենց ընթացիկ հետազոտական աշխատանքների մանրամասներ․

Շնորհակալություն ենք հայտնում բոլոր խոսնակներին և մասնակիցներին, ովքեր այս իրադարձությունը դարձրին իրավամբ հիշարժան: