Գոռ Ներսիսյանի սեմինարը` տեխնոլոգիական ոլորտի ապագա մասնագետների համար

2025 թվականի հունվարի 15-ին ԳՆԿԿ-ում կայացավ սեմինար, որն անկացրեց C++ ծրագրավորման ավագ ինժեներ, ռոբոտաշինության, կառավարման համակարգերի և ծրագրային ապահովման ճարտարագիտության ոլորտների փորձառու մասնագետ Գոռ Ներսիսյանը։ Միջոցառումը մասնակիցներին ընձեռեց շարժման պլանավորման, մոնիթորինգային համակարգերի և տեսողության վրա հիմնված (vision-based) ալգորիթմերի մասին ավելին իմանալու հնարավորություն։

Սեմինարի ընթացքում Գոռ Ներսիսյանը կիսվեց իր մասնագիտական փորձով ՝ տալով արժեքավոր խորհուրդներ C++ լեզվի նրբությունների, ծրագրային ապահովման մշակման ոլորտում հաջող կարիերա կառուցելու և անընդհատ զարգացող տեխնոլոգիական միջավայրում առաջատար մնալու վերաբերյալ։ Բարձր ռիսկային ոլորտների համար համակարգերի նախագծման իր փորձի վրա հիմնվելով՝ խոսնակն ընդգծեց ճշգրտության, նորարարության և ճկունության կարևորությունը տեխնոլոգիական ոլորտում։

Հանդիպման ընթացքում ներկա ուսանողներն իրենց հետաքրքրող մասնագիտական հարցերն ուղղելու հնարավորություն ունեցան։

Մեր խորին երախտագիտությունն ենք հայտնում խոսնակ Գոռ Ներսիսյանին փորձառությամբ կիսվելու և երիտասարդ մասնագետներին ոգեշնչելու համար: Անհամբերությամբ ենք սպասում համանման նոր միջոցառումներին։