Մարտի 2-ին, ժամը 17:00-ին, տեղի ունեցավ ԳՆԿԿ սեմինարների շարքի 4-րդ սեմինարը, որը նվիրված էր Arduino-ի, ESP32-ի և Raspberry Pi 4-ի ինտեգրման հիմքով անիվավոր ռոբոտիկ հարթակի մշակմանը՝ տարբեր սենսորների և կապի մոդուլների կիրառությամբ ռոբոտի ինքնավար կառավարման ծրագրավորում իրականացնելու նպատակով։

Սեմինարը վարեց ԳՆԿԿ կրտսեր հետազոտող Հայկ Սիմոնյանը, ով ներկայացրեց ծրագրի ամբողջական տեխնիկական կառուցվածքը՝ DC շարժիչներից և լիթիումային մարտկոցների կառավարման համակարգերից մինչև Bluetooth կապ, PWM-հիմնված շարժիչի կառավարում և OpenCV-ով տեսողական մշակում։ Քննարկման ընթացքում ներկայացվեցին նախագծի տարբեր փուլերում իրականացված փորձարկումների կադրեր, իսկ սեմինարի ավարտին ցուցադրվեցին կատարված աշխատանքի գործնական արդյունքները՝ գործարկված իրական սարքի վրա։

Սեմինար 4-ն ամփոփելով ՝ ներկայացնում ենք սեմինարի ընթացքում ցուցադրված փորձարկումների կադրերը՝ անիվավոր ռոբոտիկ հարթակի նախագծի բոլոր երեք փուլերի արդյունքները միավորող տեսանյութի տեսքով։ https://www.facebook.com/reel/1608988680430055

✔️Մաս 1 — Arduino + Bluetooth + MPU6050: Ռոբոտը կառավարվել է անլար եղանակով, Bluetooth-ի միջոցով: Կիրառվել է Arduino Pro Micro-ին միացված HC-05 մոդուլ, ինչպես նաև MPU6050 IMU սենսորից ստացված շարժման տվյալները։

✔️Մաս 2 — ESP32 + Հեռախոսային UI: Հարթակն արդիականացվել է ESP32 միկրոկոնտրոլերով, ինչը հնարավորություն է տվել կառավարել ռոբոտը Bluetooth-ով աշխատող հատուկ բջջային ինտերֆեյսի միջոցով՝ ապահովելով բարելավված արձագանք և շարժման կառավարում։

✔️Մաս 3 — Raspberry Pi 4: Նախագծի այս փուլն ընդգրկում է երեք առանձին ենթաբաժիններ՝ ուսումնասիրելով ինքնավար ռոբոտիկ կառավարման տարբեր ասպեկտներ։

◾Մաս 3.1 | Raspberry Pi 4 + PC (Wi-Fi/SSH): Raspberry Pi 4-ն ինտեգրվել է ռոբոտիկ հարթակի մեջ և Wi-Fi-ի միջոցով SSH-կապ է հաստատվել PC-ի հետ, ինչն ապահովել է ռոբոտի շարժման անլար, հրամանահիմնված կառավարումն իրական ժամանակում։

◾Մաս 3.2 | Raspberry Pi 4 + Camera Module 3 + OpenCV: Հարթակին ավելացվել է Raspberry Pi Camera Module 3, և կիրառվել է OpenCV հիմքով տեսողական մշակում՝ ապահովելով օբյեկին հայտնաբերելու և հետևելու ֆունկցիոնալությունն անմիջապես ռոբոտի վրա, իրական ժամանակում։

◾Մաս 3.3 | Raspberry Pi 4 + LiDAR + ROS 2 (ընթացիկ փուլ). Այս ենթաբաժինն ուղղված է LiDAR սենսորի և ROS 2-ի կիրառությամբ ինքնավար քարտեզագրման, տեղայնացման և նավիգացիայի իրականացմանը։ Ուսումնասիրությունը գտնվում է ընթացիկ աշխատանքային փուլում։ Փորձարկումները կշարունակվեն ապարատային և ծրագրային բաղադրիչների աստիճանական ինտեգրմանը զուգընթաց։