Ապրիլի 18-ին ԳՆԿԿ թիմի անդամները, ովքեր շուտով մասնակցելու են ICUAS 2025 UAV մրցույթի եզրափակիչ փուլին, ներկայացրեցին անօդաչու թռչող սարքերի ինքնավար նավիգացիայի և խոչընդոտների շրջանցման խնդիրների իրենց նորարարական լուծումները: 

Նրանց մշակած մոտեցումը կենտրոնանում է քաղաքային միջավայրում, ArUco նշանների հայտնաբերման ընթացքում տեսադաշտի պահպանման և մարտկոցի օգտագործման օպտիմալացման վրա:

Սեմինարի ընթացքում թիմը ներկայացրեց.

✔️Մայիսի 14-17-ին կայանալիք եզրափակիչ փուլի մարտահրավերները 

✔️Կատարված և ընթացիկ նախապատրաստական աշխատանքները 

✔️Առաջադրված խնդրի լուծման համար կիրառվող մեթոդաբանությունն ու լուծումները 

✔️Հանձնարարված մրցութային առաջադրանքի առանձնահատկությունները

Սեմինարի ընթացքում թիմի անդամներ Գոռ Արզանյանը, Արտակ Մնացականյանը, Աննա Մանուչարյանը և Նանե Հախվերդյանը քննարկեցին մայիսի 14-17-ին՝ Շարլոթում (Հյուսիսային Կարոլինա, ԱՄՆ) կայանալիք եզրափակիչ փուլի մարտահրավերները: 

Շնորհավորում ենք մեր թիմին  և սպասում ենք նրանց արձանագրած հաջողություններին ICUAS 2025 UAV մրցույթի եզրափակիչ փուլում: