Հունիսի 26-ին, ժամը 16։30, կայացավ ԳՆԿԿ սեմինարների շարքի 12-րդ սեմինարը՝ նվիրված Gazebo սիմուլյացիոն միջավայրում ֆիքսված թևով անօդաչու թռչող սարքերի մոդելավորմանը և փորձարկմանը։

Սեմինարը վարեց ԳՆԿԿ ուսնակ Ուսամա Սագիեն։ Ուսումնասիրությունն իրականացվել է տեխնիկական գիտությունների թեկնածու Ներսես Ներսիսյանի ղեկավարությամբ։

Զեկույցում ներկայացվեց Gazebo-ում ֆիքսված թևով օդանավի մոդելի կառուցվածքը՝ ներառյալ աերոդինամիկ մոդելավորումը, կառավարման մակերեսների աշխատանքը, SDF կառուցվածքի ձևավորումը և ArduPilot SITL համակարգի հետ ինտեգրումը։

Սեմինարի ընթացքում քննարկվեցին թռչող սարքերի դինամիկայի մոդելավորման, աերոդինամիկ ուժերի հաշվարկման, կառավարման կարգավորիչների և Gazebo–ArduPilot փոխգործակցության հիմնական սկզբունքները։