Սեմինար «Սիգնալների սպեկտրոգրամի հիման վրա դասակարգում՝ օգտագործելով կոնվոլյուցիոն նեյրոնային ցանցեր» թեմայով

Հուլիսի 24-ին, ժամը 16:30-ին, տեղի ունեցավ ԳՆԿԿ սեմինարների շարքի 18-րդ սեմինարը, որի շրջանակներում դիտարկվեցին սիգնալների դասակարգման տեխնիկաները՝ սպեկտրոգրամների և կոնվոլյուցիոն նեյրոնային ցանցերի միջոցով անօդաչու սարքերի նույնականացման համար։

Սեմինարը վարեց ԳՆԿԿ ուսնակ Սիլվանա Արամյանը, ով ներկայացրեց թեմայի վերաբերյալ իր հետազոտությունը։

Ուրախ ենք հայտնել, որ այս սեմինարով մեկնարկում է ԳՆԿԿ նոր ձևավորված 5-րդ խմբի ուսանողների սեմինարների շարքը, որի ընթացքում մեր թիմի նոր անդամները հնարավորություն կունենան ներկայացնել իրենց ընթացիկ գիտահետազոտական աշխատանքներն ու գիտելիքները ԳՆԿԿ համայնքին։