Ներսես Ներսիսյանը Գիտական նորարարության և կրթության կենտրոնի գիտաշխատող է և Հայաստանի ազգային պոլիտեխնիկական համալսարանի(ՀԱՊՀ) դասախոս։ 2019 թվականին ստացել է ՀԱՊՀ «ավտոմատացում և կառավարման համակարգեր» մասնագիտության բակալավրի աստիճան, ապա՝ մագիստրոսի աստիճան՝ «ավտոմատացում» մասնագիտությամբ։ Արժանացել է  ՏՏ ճարտարագիտության ոլորտում Հայաստանի լավագույն մագիստրանտի կոչմանը։

2024 թվականին ստացել է տեխնիկական գիտությունների թեկնածուի գիտական աստիճան։ Նրա հիմնական հետազոտական ուղղություններն են օդային ռոբոտատեխնիկայի համար կառավարման համակարգերի մշակումն ու ինտեգրումը՝ ժամանակակից մեթոդների կիրառմամբ, ներառյալ՝ արհեստական բանականության մեթոդների ինտեգրումը դասական կառավարման համակարգերում և դրանց կիրառումը իրական սարքերի վրա։  Զուգահեռաբար դասավանդելով ԳՆԿԿ-ում՝ կիսում է օդային ռոբոտաշինության մեջ կառավարման համակարգերի ինտեգրման գործնական մեթոդների վերաբերյալ իր գիտելիքները։