Հուլիսի 4-ին, ժամը 16:00-ին, տեղի ունեցավ ԳՆԿԿ սեմինարների շարքի 17-րդ սեմինարը, որի շրջանակներում դիտարկվեցին ներքին տեղորոշման համակարգերը և ICP (Iterative Closest Point) ալգորիթմի կիրառությունը անօդաչու թռչող սարքերի տեղորոշման համար։

Սեմինարը վարեց ԳՆԿԿ ուսնակ Արտակ Մնացականյանը, ով ներկայացրեց ներքին տեղորոշման տեխնոլոգիաների վերաբերյալ իր դիտարկումները․ Խոսնակն անդրադարձել է անօդաչու թռչող սարքերին, Vicon համակարգին և ICP ալգորիթմի մաթեմատիկական հիմքերին՝ ռոտացիայի մատրիցներին, Էյլերի անկյուններին և SVD վերլուծությանը։ Ներկայացվեցին նաև ավտոպիլոտային տվյալների փոխանցման գործնական կիրառությունը և ICP ալգորիթմի տարաձևերը։